Dhurimi i gjakut, takim sensibilizues në Akademinë e Forcave të Armatosura

Dhurimi i gjakut, takim sensibilizues në Akademinë e Forcave të Armatosura

e mërkurë, 13 nëntor 2024 15:32

Në kuadër të aktiviteteve edukative dhe shëndetësore, studentët e vitit të IV të Fakultetit të Mjekësisë së Përgjithshme zhvilluan në Akademinë e Forcave të Armatosura një takim prezantues mbi rëndësinë e dhurimit të gjakut. Ky aktivitet u realizua në bashkëpunim me Qendrën Kombëtare të Transfuzionit të Gjakut dhe kishte për qëllim rritjen e ndërgjegjësimit për këtë akt të thjeshtë, por jetik për shpëtimin e jetëve.

Gjatë prezantimit, studentët e Fakultetit të Sigurisë dhe Mbrojtjes shprehën interes dhe u informuan mbi avantazhet e dhurimit të gjakut, si për individët, ashtu edhe për shoqërinë në përgjithësi, veçanërisht për ata që kanë nevojë urgjente për transfuzion.

Personeli mjekësor i Qendrës Kombëtare të Transfuzionit të Gjakut vlerësoi angazhimin dhe gadishmërinë e Forcave të Armatosura për këtë akt solidariteti human, i cili është një kontribut i thjeshtë, por me vlera të jashtëzakonshme.

Ky aktivitet ka për qëllim të inkurajojë më tej dhurimin e gjakut dhe të forcojë lidhjet mes institucioneve dhe qytetarëve.

Public link

Please use the above public link if you want to share this noodl on another website.