10/28/2024 | News release | Distributed by Public on 10/28/2024 02:28
Har du kjent på den første snøen i år, eller lengtar du etter den? Første snøfall varierer mykje frå år til år, uansett kor du bor.
Men den kjem. Stort sett overalt.
Den første snøen blir svært sjeldan liggande. For at det skal skje, bør snittemperaturen ligge under null grader gjennom døgnet. Endring i klima har også litt å seie.
For at det skal reknast som vinter, i meteorologisk forstand, må snittemperaturen gjennom døgnet vere under null grader i vintermånadene. Kyststrok i sør og vest har difor ikkje vinter. Men dei kan likevel få snøvêr og kalde periodar.
Vi ser ei tydeleg endring i dagar med snøfall når vi samanliknar dei to siste normalperiodane.
- Klimaet har endra seg, det har blitt varmare og det gir færre dagar med snø fleire stadar. Både Tromsø og Oslo mistar i snitt ti dagar med snø i året. Det er mye, seier klimaforsker Karianne Ødemark.
Tidlegare undersøkingar viser at vinteren blir kortare, men òg våtare. Der det er kaldt og minusgradar kjem denne nedbøren som snø. Nokre stadar får difor uendra eller fleire dagar med snø. Det siste gjeld spesielt i fjelltraktane.
- Kautokeino får fleire dagar med nysnø enn før. Sjølv om temperaturen auker, så er det kaldt nok til at auka nedbør kjem som snø i Kautokeino, forklarar Ødemark.
Med utgangspunkt i eit gjennomsnitt over perioden 1990-2023, kan vi seie når den første snøen troleg fell på utvalde plassar i landet. Du kan også sjå kor mange dagar med snø som forsvinn på desse stadane.
Tromsø
I Tromsø kan snøen kome tidleg på hausten. Her har det blitt målt snø sidan 1895. I snitt kjem første snøen i Tromsø 17. oktober.
I 1973 kom snøen allereie 11. september.
I snitt vil vinteren i Tromsø bringe med seg 73 døgn med snøfall. Det er ti dager mindre enn i forrige normalperiode. Da var det 83 dagar med snø.
Trondheim
I Leinstrand ved Trondheim fall den første snøen så tidleg som 28. september i 1966. Inne i Trondheim sentrum fall den første snøen 2. oktober i 1916.
I snitt er første snøfall 11. november i Trondheim.
Vinteren i Trondheim har 37 døgn med snøfall etter normalen. Det er 6 mindre enn i forrige normalperiode. Og det er færre enn i Oslo.
Oslo
I Oslo er tidlegaste registrerte snøfall 12. oktober i 1926. Seinaste registrerte første snøfall er 27. januar. Det skjedde i vintersesongen 1929-1930.
I snitt kjem den første snøen 15. november. Noko tidlegare i Nordmaka. På Bjørnholt er gjennomsnittleg første snøfall 2. november.
Oslo kan no forvente 35 døgn med snøfall gjennom ein vinter no. Det er ti mindre enn i forrige normalperiode. Da hadde Oslo 45 døgn med snøfall.
Bergen
Meteorologisk sett har Bergen, saman med store delar av kyststrøka i Noreg, faktisk aldri vinter. Det er fordi snittemperaturen for eit døgn ikkje fell under null grader i vintermånadene. Men det betyr ikkje at det aldri kjem snø, for det kan bli kaldt her òg.
Flesland ved Bergen har tidlegaste registrerte snøfall den 13. oktober i 1971. I sentrum av Bergen er tidlegaste første snøfall målt den 15. oktober i 1905.
I snitt kjem den første snøen til Bergen den 6. desember.
Normalt sett er det 11 døgn med snøfall her. Det er seks mindre enn i forrige normalperiode, kor det var 17.
Se også
Vinteren blir kortere
Klimaendringene krymper vinteren
Klimaforsker Karianne Ødemark
T.: 93290007
E-post: [email protected]
Desse snødataene er utrekna med data om nysnø frå seNorge. Desse målingane går tilbake til 1957. Vi har sett på snittet av dagar med snø i perioden 1961 til 1990, og 1991 til 2020. Differansen viser kor mange færre eller fleire dagar med snø det er no, samanlikna med før.