Ministrja Koçiu: Aparatura e re mjekësore, ECMO vjen për herë të parë në Shqipëri

Qendra Spitalore Rajonale Tiranë "Shefqet Ndroqi" e cila u shërben pacientëve me sëmundje respiratore në mbarë vendin është pajisur me një tjetër aparaturë mjekësore jetëshpëtuese për trajtimit e pacientëve në gjendje të rëndë me probleme pulmonare dhe kardiake.

Ministrja e Shëndetësisë dhe Mbrojtjes Sociale, Albana Koçiu inspektoi sot investimin më të fundit e cila i është shtuar flotës së pajisjeve mjekësore bashkëkohore te cilat kanë shpëtuar me qindra jetë në Qendrën Spitalore Rajonale Tiranë "Shefqet Ndroqi".

Ministrja Koçiu theksoi se aparatura e re mjekësore, ECMO (memrane oxigjenuese extracorporale) vjen për herë të parë në Shqipëri dhe shërben si mushkëri për pacientin.

Një pajisje e tillë e avancuar mjekësore, ndihmon pacientët me problem të rënda shëndetësore, veçanërisht në rastet kur mushkëritë dhe zemra nuk funksionojnë siç duhet.

Aparatura ECMO pompon në mënyrë të vazhdueshme gjakun nga trupi dhe më pas e shpërndan atë përmes pajisjeve që rrisin oksigjenin dhe heqin gazin karbonik deri në momentin e stabilizimin të pacientit.

"Unë besoj që së bashku, MSHMS, por edhe stafet administrative të spitaleve do të duhet të vijojnë të punojnë për të krijuar kushte më të mira punë për ju për të pasur në dispozicion pajisje të teknologjisë së lartë si ECMO që sapo pamë që do të sjellë një nivel më të lartë ekselence në shërbimet që kryeni", u shpreh ministrja Koçiu gjatë bashkëbisedimit me mjekët.

Shefi i reanimacionit, dr Alban Hatibi u shpreh se "është fat i madh për ne që vjen një pajisje e kësaj natyre. Kjo quhet ECMO ose një membranë oksigjenuese e cila u shërben të sëmurëve ekstremisht të rëndë".

Sipas tij, kjo aparaturë u shërben edhe kirurgjive speciale siç është kirurgjia me funksion të zemrës dhe mushkërisë jashtë trupit.

Drejtoresha e Qendrës Spitalore Rajonale Tiranë "Shefqet Ndroqi", Silvana Bala tha se "është sukses në mjekësinë tonë që të kemi një aparaturë të tillë të cilën nuk e kisha menduar që do të vinte në një kohë kaq të shpejtë".

Stafi i Qendrës Spitalore Rajonale Tiranë,"Shefqet Ndroqi" përballoi me sukses edhe urgjencat kardiologjike dhe të sëmundjeve të brendshme pas incidentit të ndodhur në Urgjencën e QSUNT-së.

Ministrja Koçiu: Aparatura e re mjekësore, ECMO(...)

Ministrja Koçiu në Kuvend: Katërfishuam buxhetin për(...)

Strategjia Kombëtare e Mbrojtjes Sociale 2024-2030, Koçiu:(...)

Fjala e Ministres së Shëndetësisë dhe Mbrojtjes(...)

Fjala e Ministres së Shëndetësisë dhe Mbrojtjes(...)

Fjala në Kuvend e Ministres së Shëndetësisë(...)

Ministrja Koçiu vizitë në QSUNT: Urgjenca në(...)

Ministrja Koçiu viziton Spitalin e Librazhdit: Në(...)

Ministrja Koçiu: Rritje page për 20 mijë(...)

• Ministria

  • Ministri
  • Programi i qeverisë
  • Zëvëndësministrat
  • Kabineti
  • Sekretari i përgjithshëm
  • Organizmi i sistemit shëndetësor
  • Institucionet e Varësisë
  • Historiku

• Promocion

  • "Si Je?" - Një tjetër hap strategjik drejt Rilindjes që duam
  • Infermierë për Shqipërinë
  • Disa këshilla për një dimër pa viruse
  • Platforma e Bashkëqeverisjes
  • Shqipëria Jo Duhanit
    
  • 10 Paketat e Para Pa Pagesë të Shërbimeve Shëndetësore në Spitalet Publike dhe Jo-Publike
  • Kanceri i gjirit, zvogëlimi i rrezikut është i mundur
    
  • Cili antibiotik je?

• Shërbime

  • Drejtoria e Administrimit Spitalor
  • ICD10
  • Informacion për emigrantët
  • Drejtoria Farmaceutike
  • Formularet e Licensimit
  • Drejtoria e Shendetit Publik

• Lidhje

  • Posta Elektronike
  • Programi i transparencës
  • Insitucione varesie
  • Website të tjera
  • Komisioni i mbrojtjes nga rrezatimi

• Dokumenta

  • Formulari proceset gjyqesor

• Harta e Faqes

  Harta e Faqes

• Arkiva

  Arkiva