Barakaldoko alkateak hirugarren aldiz eskatu du bilera bat egitea Garraio Ministerioarekin, VSFren trazadura lurperatzeko

2024/11/07

Barakaldoko alkateak hirugarren aldiz eskatu du bilera bat egitea Garraio Ministerioarekin, VSFren trazadura lurperatzeko

Amaia del Campo kezkatuta agertu da Ministroen Kontseiluak proiektuari buruzko informazio-azterlana laster onartuko duela iragarri duelako, eta Ministeriora jo du berriro, Barakaldoko txosten teknikoak azaltzeko, VSFren lurperatzea bermatzen baitute. "Lurperatzea bideragarria da teknikoki, gure txostenek adierazten duten bezala, eta ministerioak entzutea nahi dugu, gure ingurumenaren eta paisaiaren aurkako erasoa saihesteko", esan du.

Amaia del Campo Barakaldoko alkateak beste idazki bat bidali dio gaur goizean Espainiako Gobernuko Garraio, Mugikortasun eta Hiri Agenda Ministerioari, ministroarekin premiazko bilera bat egiteko eskatzeko, hegoaldeko trenbide-saihesbidearen inguruan. Alkatetzatik Ministeriora bidali den hirugarren gutuna da. Bertan, aurrez aurre bilera bat egitea eskatzen da, Udalak egindako txostenak azaldu ahal izateko. Txosten horietan, Gorostiza zeharkatzen duen trazadura lurperatzearen bideragarritasun teknikoa azaltzen da. "Baina oraindik ez dugu erantzunik jaso, eta kezkatuta gaude Susana García Chueca Mugikortasun Iraunkorreko sailburua sozialistak Ministroen Kontseiluak informazio-azterlana behin betiko onartzea berehalakoa dela adierazi duelako. Lau hilabete igaro dira ministroarengana jo genuenetik eta ez dugu erantzunik jaso. Amorragarria da. Oraindik garaiz gaude ibilbidea aldatzeko eta ingurumen astakeria hori saihesteko" , adierazi du alkateak.

"Baieztapen horrek kezkatzen gaitu; horregatik, ahotsa altxatu nahi dugu, ea entzuten eta artatzen gaituzten. Hori da Barakaldok duen azken kartutxoa, Jaurlaritza zentzuz sar dadin eta kontuan har dadin linea hori gure hirian lurperatuta dagoela; izan ere, lehen zehaztu dugun bezala, egungo trazadura ingurumenaren aldetik astakeria iruditzen zaigu, eta oraindik garaiz gabiltza hori eragozteko", amaitu du.