Ríkisheimsókn til Danmerkur

Forseti þiggur boð Friðriks X Danakonungs um ríkisheimsókn til Danmerkur dagana 8.-9. október. Hefð er fyrir því að fyrsta ríkisheimsókn nýs forseta í embætti sé til Danmerkur. Þetta er jafnframt fyrsta ríkisheimsóknin eftir krýningu Friðriks X og forseti Íslands því fyrsti þjóðhöfðinginn sem dönsku konungshjónin taka á móti sem gestgjafar. Markmið heimsóknarinnar er að styrkja söguleg tengsl Íslands og Danmerkur og efla hið nána samband ríkjanna.

Í fylgd forsetahjóna verður viðskiptasendinefnd sem eiga mun fundi með fulltrúum dansks viðskiptalífs á sviði sjálfbærni, nýsköpunar og grænna lausna. Nánar verður greint frá dagskrá heimsóknarinnar þegar nær dregur.