Одржан традиционалниот есенски „Дипломатски тениски турнир“

Во рамките на одбележувањето на државниот празник "11 Октомври", Министерството за надворешни работи и надворешна трговија, на 19 октомври го организираше традиционалниот есенски Дипломатски тениски турнир, кој се одржа на терените на тенискиот клуб "Поинтер Парк" во Скопје.

На турнирот учествуваа дипломати од резидентните дипломатски и конзуларни претставништва на странските држави, претставници на меѓународни организации во земјата, како и дипломати од Министерството за надворешни работи и надворешна трговија.

По завршувањето на натпреварувачкиот дел, министерот за надворешни работи и надворешна трговија, д-р Тимчо Муцунски, во придружба на заменик-министерот и државниот секретар на министерството, ги додели наградите на победниците и учесниците, а присуствуваа и на пригодниот коктел организиран за учесниците.

Овој спортско-дипломатски настан беше поддржан од општествено одговорни компании, меѓу кои: "Порше Македонија", АД "Алкалоид", хотелот "Хилтон", АД "Комерцијална банка", "Zepter Int. HASS Скопје", АД "Тиквеш" и "Скопска пивара".