09/20/2024 | Press release | Distributed by Public on 09/20/2024 06:00
Lutxanako Kulturguneak familiei zuzendutako doako tailerrak izango ditu berriz ere. Barakaldoko Udalak, La Tallerteka enpresa barakaldarraren eskutik, azarora arte luzatuko den tailerren programa programatu du. Larunbatean, hilak 21, lehena izango da, eta sormen tailer bat egingo da familian. 10 urte arteko haurrei zuzendutako 9 tailer egingo dira. "Iazko esperientzia onak esperientzia errepikatzera eraman gaitu. Programatzeko orduan, gainera, kontuan izan ditugu aurreko edizioan Kulturgunera hurbiltzen ziren familien eskaerak.
Lutxana auzoko familiek familia harremanak sendotzeko aukera izango dute jolasaren, sormenaren eta esplorazioaren bidez. Tailerrak larunbatetan egingo dira, goizez, familian ikastea eta ondo pasatzea sustatzeko. Tailer bakoitzak 12 eta 17 pertsona arteko edukiera izango du, eta askotariko gaiak landuko dira, hala nola, sormena familian; jolasak eta haurtxoentzako estimulazio-jarduerak; sukaldaritza familian; haurtzaroa diziplina positibotik ulertzeko moduari buruzko tailerra; zentzumen-tailerra argi beltzarekin, mahai-jokoak...
Tailerretan izena emateko Udalaren web orria eta Barakaldoko liburutegien sarea erabiliko dira, jarduera bakoitzerako astebete lehenago, edukiera osatu arte.