Viceguvernatorja Nacevska: SEPA mund të sjellë përfitime të shumta për kompanitë

Shkup, 19 tetor 2024

"Dinamika e anëtarësimit në Zonën e Vetme të Pagesave në Euro (SEPA) varet nga shkalla e gatishmërisë së vendeve dhe nga shkalla e përputhsmërisë së kuadrit ligjor kombëtar me legjislacionin europian, për vlerësimin e të cilit është ofruar asistencë teknike nga BankaBotërore.

Në këtë proces, Banka Botërore vlerësoi se vendi ynë, Shqipëria dhe Mali i Zi kanë një shkallë të lartë përputhshmërie me kuadrin ligjor dhe janë tre vendet e para nga gjashtë vendet e Ballkanit Perëndimor, bankat qendrore të të cilave, gjatë muajve qershor dhe korrik, kanë paraqitur kërkesa për anëtarësim në Këshillin europian të pagesave. Pritshmëritë janë që të tre vendet kanëmundësi të madhe që së shpejti të anëtarësohen në Zonën e Vetme të Pagesave në Euro (SEPA)", tha viceguvernatorja e Bankës Popullore, Emilija Nacevska, në një intervistë për emisionin "360 Gradë" në TVM.

Nacevska theksoi se me dorëzimin e kërkesës me të gjithë dokumentacionin përcjellës, që është një paketë e madhe dokumentesh, vendi ynë ka treguar se rregullorja përkatëse europiane është përkthyer në legjislacionin vendas, dhe qasja në sistemin europian të pagesave do të nënkuptojë shfrytëzimin epërfitimevepara se vendi të bëhet anëtar i plotë i BE-së.

"Anëtarësimi në SEPA është një nga aktivitetet prioritare që mbështetet nga plani më i fundit i rritjes nga Komisioni Europian, qëllimi i të cilit është integrimi i përshpejtuar ekonomik dhe afrimi i rajonit me tregun e përbashkët të BE-së, i cili do t'u mundësojë qytetarëve dhe kompanive që sa më shpejtë t'i ndjejnë dobitë nga anëtarësimi. Anëtarësimi do të reduktojë ndjeshëm kostot e pagesave ndërkufitare në euro, do të sigurojë kushte më të mira për bashkëpunim ndërkombëtar, tregti dhe investime, do të përmirësojë menaxhimin e fluksit të parasë, si dhe qasjen në tregjet e BE-së dhe do të përmirësojë marrëdhëniet me partnerët e biznesit përmes shlyerjes më të shpejtë të pagesave", theksoi viceguvernatorja Nacevska.Ajo gjithashtu theksoi se qëllimi kryesor i SEPA-s është të nxisëkonkurrencën, duke ulur kështu kostot dhe përshpejtimin e pagesave ndërkufitare që do të kryhen brenda një dite, dhe nëse përdoren sistemet e pagesave të menjëhershme - pagesa kryhet brenda pak sekondave.

"Anëtarisimi do të jetë veçanërisht i rëndësishëm për remitancat, pasi në vendin tonë, edhe në rajonin e Ballkanit Perëndimor, ato luajnë një rol të rëndësishëm në ekonomi, madje duke arritur në 15% të PBB-së. Kostot e kryerjes së remitancave, të cilat janë rreth 6,7% e shumës së transaksionit për momentin, do të përgjysmohen në rreth 3%, dhe në nivel të rajonit të Ballkanit Perëndimor, kjo mund të kontribuojë në kursime deri në gjysmë miliardë euro. Priten gjithashtu kursime të konsiderueshme për kompanitë. Sipas një studimi të Bankës Botërore që analizon kostot e kryerjes së pagesave nga kompanitë mikro, të vogla dhe të mesme midis vendeve të Ballkanit Perëndimor dhe Bashkimit Europian, një pagesë prej 5000 eurosh nga një kompani në Ballkanin Perëndimor për një kompani në BE është 10 herë më e shtrenjtë se një pagesë ndërmjet kompanive në BE.Kostot në kahun e kundërt, kur një kompani nga BE-ja kryen pagesa për një kompani nga Ballkani Perëndimor, janë edhe më të larta, pra 12 herë krahasuar me rastin kur pagesa bëhet ndërmjet kompanive nga BE-ja. Shpenzimet për pagesat e shumave më të mëdha janë edhe më të larta", theksoi viceguvernatorja Nacevska. Sipas vlerësimeve të Bankës Botërore, anëtarësimi në SEPA mund të zvogëlojë ekonominë gri për 2 p.p. në rajonin e Ballkanit Perëndimor, theksoi Nacevska.

Përfshirja në SEPA është prioritet për Bankën Popullore dhe institucionet tjera të përfshira në këtë proces, theksoi Nacevska dhe do të mundësojë përshpejtimin e integrimit komercial dhe financiar të vendit në BE dhe rritje më të lartë ekonomike.

LISTA E KURSIT TË KËMBIMIT

Normat е rezervës së detyruar të bankave

Detyrime me maturim kontraktual deri në 2 vjet:
në valutë vendase	8,0%
në valutë vendase me klauzolë valutore	100%
në valutë të huaj	21%
Detyrime me maturim kontraktual mbi 2 vjet:
në valutë vendase	0%
në valutë vendase me klauzolë valutore	100%
në valutë të huaj	5%

Operacione të tregjeve financiare

Ankandet e bonove të thesarit

Ankandet e letrave me vlerë

Ankande të transaksioneve repo