Government of Norway

10/25/2024 | Press release | Distributed by Public on 10/25/2024 07:30

Romssa ja Finnmárkku ođđa stáhtahálddašeaddji

Runar Sjåstad lea stáhtaráđis odne nammaduvvon Romssa ja Finnmárkku stáhtahálddašeaddji.

- Sjåstad lea gearggus ja lea vuđolaččat ráhkkanan dán ámmáhii, ja mii dovdat su luohttevaš olmmožin geas lea ovttasbargovuoigŋa. Mun lean ilus go son dáhttu šaddat Romssa ja Finnmárkku stáhtahálddašeaddjin, lohká digitaliseren- ja hálddašanministtar Karianne Tung (Bb).

Runar Sjåstad lea dál Bargiidbellodaga stuoradiggeáirras. Son lea leamaš Finnmárkku fylkkagieldda fylkkasátnejođiheaddjin ja lea muđui leamaš iešguđetge stivraámmáhiin.

Digitaliseren- ja hálddašandepartemeantta mediatelefovdna: 22 24 20 00