09/06/2024 | Press release | Archived content
Հանրապետության նախագահ Վահագն Խաչատուրյանը սեպտեմբերի 6-ին մասնակցել է Հայաստանի պետական տնտեսագիտական համալսարանի (ՀՊՏՀ) խորհրդի նիստին, որի օրակարգում եղել է «Հայաստանի պետական տնտեսագիտական համալսարան» ՊՈԱԿ-ի ռեկտորի ընտրության հարցը։
Փակ, գաղտնի քվեարկությամբ 19 կողմ ձայներով խորհուրդը ՀՊՏՀ ռեկտորի պաշտոնում ընտրել է Արմեն Գրիգորյանին: Հանրապետության նախագահ, ՀՊՏՀ խորհրդի նախագահ Վահագն Խաչատուրյանը շնորհավորել է նորընտիր ռեկտորին և մաղթել հաջողություններ:
Նիստից հետո Վահագն Խաչատուրյանը, ՀՊՏՀ խորհրդի անդամները, նորընտիր ռեկտորի ուղեկցությամբ շրջայց են կատարել բուհում և ծանոթացել վերջին շրջանում բուհում կատարված աշխատանքներին: