Calandèr Euregio 2025: dant dai 4 de aost ge vel manèr ite la fotos per tor pèrt al concors

[Ladino] Personalisèr na piata de n calandèr con na sia foto, na oportunità che ge vegn dat ence chest an ai sentadins de l'Euregio Tirol-Sudtirol-Trentin: defat l é temp enscin a en domenia ai 4 de aost del 2024 per ciarièr i retrac sul sito de l'Euregio e i meter dant a la giuria per la selezion. La fotos cernudes fora les vegnarà metudes sul calandèr de l'Euregio 2025. No l é limic a l'esprescion artistica e ai argomenc metui dant: ge vel che la foto la sie stata fata te un di trei raions membres de l'Euregio e che la raprejentee a n avida creativa sia varietà. L President de l'Euregio e de la Provinzia autonoma de Busan, Arno Kompatscher, l envia i partezipanc a jir sorafora i confins per chierir i sogec da fotografèr: "Spere che vegne fora na neva prospetiva, che la vae sorafora i confins de noscia ments e che la trefe, tras l obietif, aspec no amò cognosciui de l'Euregio". Tropes retrac i portarà dant l ambient e vedudes da marevea, jent o elemenc de la cultura, architetura e tradizions, o momenc rères e evenc che se troa te dut l'Euregio. Kompatscher e i presidenc de la Provinzia autonoma de Trent Maurizio Fugatti e del Land Tirol Anton Mattle, i é a una che vegne portà dant vigni argoment tel calandèr e i é contenc che chesta publicazion la sie semper più cognosciuda: confront a la edizion del 2024, l'Euregio l à defat smaorà de 6.000 l numer de copies en dut, coscita passa da 13.000 a 16.000 l calandèr da tachèr su e da 8.000 a 11.000 per chel da desch.

Public link

Please use the above public link if you want to share this noodl on another website.