08/23/2024 | Press release | Distributed by Public on 08/23/2024 07:29
Tónleikur, list, heimildarmynd, rithøvundaprát og føroyskur matur.
Nú stundar aftur móti árligu Menningarnóttini í Reykjavík, har býurin er um at kóka yvir av mentan, veitslulagi og fólki í góðum lag. Tey seinastu árini hava talrík føroysk listafólk verið á palli í Reykjavík sum partur av mentanarnáttini, og í ár verður føroyska luttøkan enn størri enn vanligt.
Sum vant skipar Sendistova Føroya, saman við Tórshavnar kommunu sum er vinarbýur Reykjavíkar, fyri tveimum tiltøkum á mentanarnáttini - eitt á sjálvari sendistovuni og hitt í Hørpuni.
Tiltakið á Sendistovu Føroyar byrjar kl. 13, har verður borðreitt við føroyskum mati, Elinborg spælir nøkur løg og Gallarí Havnará sýnir list við Sigrun Gunnarsdóttir, Astri Luihn og Bárði Dal Christiansen. Síðani verður verður føroysk konsert í Hørpu (Kaldalón) við Knút, Elinborg og RSP.
Tiltakið í Hørpuni byrjar kl. 15.10. Eftir konsertirnar verður heimildarmyndin Heartist sýnd. Skráin fyri føroyska partin av mentanarnáttini sæst her
Hóast sjálv Menningarnóttin er leygardagin 24. august, so verður føroysk mentan eisini á skrá dagin eftir. Sunnudagin kl. 16 skipar Norræna Húsið í samstarvið við Sendistovu Føroya fyri rithøvundakvøldi, har íslendski rithøvundurin Einar Már Guðmunsson hevur samrøðu við føroyska rithøvundin Carl Johan Jensen um lív og verk hansara. Samrøðan verður á íslendskum.
Sunnukvøldið verður eisini møguleiki at hoyra føroysku tónleikararnar aftur, tá Elinborg, Knút og RSP trína á pall á kenda spælistaðnum Gaukurinn (www.gaukurinn.is).