CAF-EK MADRILGO METRORAKO 40 TRENEKO LEHEN LOTEA HORNITZEKO KONTRATUA SINATU DU

2024/06/17

CAFek eta Madrilgo Metroak kontratua sinatu dute Madrilgo operadoreak material mugikorraren bere flota berritzeko eta handitzeko egingo duen inbertsioa osatzen duten bi loteetako lehenengoa hornitzeko. Akordioaren bolumena 400 milioi euro ingurukoa da eta monotentsioko zabalerako galiborako 40 treneko diseinua eta hornidura biltzen du. Tren horiek metropoli-sareko 6 eta 8 lineetan zerbitzua ematera eta flotaren bizitza-zikloa optimizatzeko programa garatzera eta ezartzera bideratuko dira. Gainera, etorkizunera begira, hornitu beharreko unitate kopurua handitzeko aukera ere jaso da kontratuan.

Erosketa hori Europako Inbertsio Bankuak (EIB) emandako maileguekin finantzatuko da eta hiriko metro-sareak zerbitzuaren kalitatea indartzea eta hiriburuko garraio publikoan edukiera handiagoa lortzea lortu nahi du. Tren berriak (ikuspegi energetikotik eraginkorragoak dira) erosteko erabakia hainbat arrazoik eragin dute: alde batetik, bidaiarien eskarian eta hazkundearekin lotutako aurreikuspenek egindako gorakadak eta, bestetik, Madrilgo Komunitateak abian jarritako ingurumen-politikak.

CAFek hornitutako unitate horietako bakoitza sei kotxek osatuko dute. Haietako lau tren-makinak izango dira, eta beste biak trailerrak (edo atoi-kotxeak). Gainera, bidaiarientzako edukiera handia izango dute unitate osoan zehar bagoien arteko interkomunikazioko korridoreekiko etengabeko disposizioa izango dutelako.

Lehiaketak eskakizun teknikoei dagokienez izandako eskakizun maila altua nabarmendu behar da. Izan ere, eskakizun horietan garrantzi handia izan dute honako alderdi hauek, adibidez: energiaren kontsumoak, LCCak (bizitza-ziklo osoan zehar produktuak duen guztizko kostua) eta unitateen prestazio teknikoak. Horien artean, gainera, azpimarratu beharrekoa da modu erdi-automatikoan (GoA2) zein erabat automatikoan (GoA4) operatu ahal izateko aukera dutela.

Bestalde, azpimarratu beharrekoa da CAFek eta Madrilgo metroak elkarlan handia izan dutela bi enpresa horien historian zehar. Hain zuzen ere, gaur egun, oraindik ere, hiriburuko hiri inguruko sarean zirkulatzen duen tren-flotako ibilgailu gehienak dira CAFek hornitutakoak. Zehatzago esanda, Madrilerako 600 metro-unitate baino gehiago diseinatu eta fabrikatu ditu enpresak (2000, 3000, 5000, 6000, 8000 eta 8400 serieetakoak). Ibilgailu horiek guztietatik, entregatutako azkenekoak 8400 serieko unitateak izan ziren (2010 eta 2011 urteetan). Gaur egun, 6. linean eskaintzen dute zerbitzua.