Trasport publich sui jouves dolomitics, la convenzion co la Provinzia autonoma de Busan la é stata aproèda

Co la convenzion vegnarà donca smaorà l coleament anter l Jouf de Sela e Cianacei tras 9 cobies de viajes, servije metù a jir da la sozietà che gestesc l trasport publich sun chela linia (471) per la Provinzia autonoma de Busan. L cost a cèria de la Provinzia autonoma de Trent per l sperlongiament de la streca fin a Cianacei l é de € 63.915,20, zenza la SVE.

I ghesć che à la Trentino Guest Card podarà viajèr, semper dai 16 de jugn ai 20 de setember, su la streca Cianacei - Jouf de Sela e Jouf de Pordoi - Jouf de Sela (Linea 471): aló la speisa perveduda de 5.388,13 € tout ite la SVE, la sarà a cèria de Trentino Sviluppo.

Traduzion di Servijes Linguistics e Culturèi del Comun general de Fascia