Barakaldo se convierte en la ciudad-piloto de un proyecto innovador para analizar los efectos del tráfico en la contaminación atmosférica y acústica

2024/11/07

Barakaldo proiektu berritzaile baten hiri-pilotu bihurtu da, trafikoak kutsadura atmosferikoan eta akustikoan dituen ondorioak aztertzeko.

HANDIA-PLANek Los Hermanos parkean datuak neurtzeko "kaiola" bat eta txandaka neurtzeko beste aparatu batzuk instalatzea jasotzen du beste hamar kokapenetan. Aclimaren ekimena da, Udaleko Garapen Jasangarriaren arloarekin elkarlanean, eta gaur aurkeztu dute Carlos Fernándezek, Alba Delgadok eta Olga Martínek.

Udazkenaren etorrerarekin, Barakaldo proiektu berritzaile baten agertoki izaten ari da, trafikoak kutsadura atmosferikoan eta akustikoan dituen ondorioak modu integratuan ebaluatzeko. Udalerria HANDIA-PLAN izeneko ekimen baten proba-bankua bihurtu da, eta horri esker, informazio oso baliotsua eta datu zehatzak lortu ahal izango dira, etorkizunean mugikortasunaren eta ingurumen-osasunaren arloko erabakiak hartzeko. Proiektua Aclima Euskadiko ingurumen-industrien kluster elkartearen eskutik dator, eta, hori garatzeko, Udalak bat egin du erakunde horrekin, ohorezko bazkide gisa.

HANDIA-PLAN gaur aurkeztu da prentsaurreko batean, eta bertan izan dira Olga Martín, Aclimako zuzendari nagusia, Carlos Fernández, bigarren alkateordea, eta Alba Delgado, Garapen Jasangarriaren eta Ingurune Naturalaren zinegotzi delegatua.

Aurkezpena Los Hermanos Parkean egin da. Bertan, datuak neurtzeko kaiola deigarri bat jarri zen bi astez. Bi etxolak osatzen dute ekipoa, eta beste tresna txikiago batzuk ere baditu. Azken boladan, herriko hainbat kale-argitan daude jarrita, txandaka.

Aste honetan, izan ere, sentsoreak La Bondad eta Batzar Nagusietan egongo dira. Guztira, hamar sentsore kokatuko dira:

• Gaztela-Mantxa kalea, 18.
• Arteagabeitia kalea, 13.
• Los Angeles kalea, 18.
• Done Bikandi kalea, 12. zenbakiaren aurrean
• Batzar Nagusien kalea, 8aren aurrean
• Uribeko Merindadea kalea, 11.
• La Bondad kalea, 3
• Larrea kalea, 19
• Elizateko plaza/Eguzkiagirre kalea
• Nafarroa kalea, 16

Olga Martinek nabarmendu duenez, "HANDIA-PLAN proiektua abian jartzea bezalako ekimenek lankidetza-esparruak sortzearen garrantzia nabarmentzen dute, non ingurumen-teknologiak erakusteko espazioak ezinbesteko bihurtzen diren eta agerian uzten duten ingurumen-kalitatearen aldagaien kudeaketak zuzenean eragiten duela pertsonen eta hiri-espazioen osasunean eta ongizatean".

"Barakaldorentzat oso proiektu onuragarria da, gure hiriko airearen kalitateaz eta zarataz dugun kezka agerian uzten duena. Gure ustez, trafikoarenak ez diren emisio kutsatzaileen jatorria bereizteko aukera eman diezaguke; adibidez, eremu batean industria-eremutik edo egoera txarrean dagoen galdara batetik datorren kutsadura zehatz bat dagoela jakin ahal izatea da asmoa ", azaldu du Carlos Fernandezek.

LANKIDETZA PUBLIKO-PRIBATUAREN ADIBIDEA

Bigarren alkateordea ziur dago lankidetza publiko-pribatua, kasu honetan egin den bezala, gizartearentzat, erakunde publikoentzat eta enpresa-garapenerako proiektu arrakastatsuetan gauzatzen dela.

Alba Delgadok, bestalde, gogorarazi du Garapen Jasangarriaren eta Ingurune Naturalaren arloa Hiri Mugikortasun Jasangarriaren Plana (PMUS) eta Emisio Baxuko Eremuen mugaketa egiteko prozesuan dagoela, Barakaldo berdeagoa eta iraunkorragoa lortzeko funtsezko bi tresna baitira. Eta, gainera, beste ekimen batzuk garatzen ari da ingurumenaren arloan.

"Proiektu honen datuekin, hobeto aztertu ahal izango ditugu hiri-mugikortasunaren, ingurumenaren eta ingurumen-osasunaren erregulazioan jarduteko aukerak, azterketa zorrotz eta sakonetatik beti sortzen baitira erabaki hobeak", nabarmendu du.

Delgadok eskerrak eman dizkio Aclimari bere ekimenagatik, eta harro agertu da "Barakaldo erakustoki berezi eta erreferente bihurtu delako ingurumenaren kalitateari eta osasunari lotutako hiri-garapen iraunkorrean, gure bizilagunen bizi-baldintzak hobetzea ahalbidetuko duten proiektuak aurrera eramateko".

Urte honetan eta 2025ean, Barakaldo HANDIA-PLA hiri pilotua izango da. Ingelesezko esanahiagatik (Health, Air, Noise, Data, Integrated Assesment-Planing) hartzen du izen hori, eta AAC Centro de Acústica Aplicada, Leber Planificación e Ingeniería eta Sercontrol Ambiental enpresek osatutako diziplina anitzeko partzuergo batek egiten du.

HANDIA-PLAN proiektuaren faseek beste erakunde batzuen laguntzak dituzte, hala nola Eusko Jaurlaritzaren HAZITEK programa, EGEF funts europarrekin garatzen dena, edo Espainiako Gobernuaren Berreskurapen, Eraldaketa eta Erresilientzia Planeko laguntzak, Next Generation funts europarrak bideratzen dituena.