Prime Minister's Office of the Islamic Republic of Pakistan

11/13/2024 | Press release | Distributed by Public on 11/14/2024 01:20

وزیرِ اعظم محمد شہباز شریف کی چین کے نائب وزیرِ اعظم عزت مآب ڈنگ شوئیشیانگ ( DING XUEXIANG) سے کاپ-29 کے کلائیمیٹ ایکشن سربراہی اجلاس کے موقع پر ملاقات

اسلام آباد: 13 نومبر 2024۔

وزیرِ اعظم محمد شہباز شریف کی چین کے نائب وزیرِ اعظم عزت مآب ڈنگ شوئیشیانگ ( Ding Xuexiang) سے کاپ-29 کے کلائیمیٹ ایکشن سربراہی اجلاس کے موقع پر ملاقات

ملاقات میں پاکستان اور چین کے مابین دوطرفہ تعاون کے فروغ پر گفتگو ہوئی. ملاقات میں وزیرِ اعظم نے چینی وزیرِ اعظم کے حالیہ دورہءِ پاکستان کا ذکر کرتے ہوئے کہا کہ چین پاکستان کا دیرینہ دوست ہے اور دونوں ممالک کے مابین تعلقات کی مضبوطی کے نئے دور کا آغاز ہو چکا.

ملاقات میں چینی شہریوں کی پاکستان میں سیکیورٹی کیلئے حکومتی اقدمات پر روشنی ڈالتے ہوئے وزیرِ اعظم نے کہا کہ حکومت پاکستان چینی شہریوں کی سیکیورٹی یقینی بنانے کیلئے ہر ممکن اقدامات اٹھا رہی ہے. وزیرِ اعظم نے حکومت کے دھشتگردی کی عفریت کے پاکستان سے مکمل خاتمے کیلئے اقدامات کا ذکر کرتے ہوئے کہا کہ حکومت ملک سے دھشتگردی کو جڑ سے اکھاڑ دینے کیلئے پر عزم ہے.

چینی نائب وزیرِ اعظم کا پاکستان کے ساتھ مل کر سیکیورٹی چیلنجز کو عبور کرنے اور دونوں ممالک کے عوام کی ترقی و خوشحالی کیلئے پاک-چین تعاون میں وسعت کی خواہش کا اظہار.