Prezantohet në Panairin Ndërkombëtar Eurosatory në Paris makina e parë ushtarake shqiptare 'Shota'

Prezantohet në Panairin Ndërkombëtar Eurosatory në Paris makina e parë ushtarake shqiptare "Shota"

e hënë, 17 qershor 2024 18:33

Prezantohet në Panairin Ndërkombëtar Eurosatory që po mbahet në Paris, prototipi i parë i makinës ushtarake shqiptare "Shota".

Shqipëria merr pjesë për herë të parë e përfaqësuar nga një kompani 100% shqiptare në këtë panair, ku marrin pjesë rreth 2 mijë kompani nga e gjithë bota.

Ky konsiderohet një moment i rëndësishëm nga ministri i Mbrojtjes Niko Peleshi.

"Prezantohet në panairin Eurosatory në Paris, prototipi i parë i makinës ushtarake shqiptare Shota. Një moment i rëndësishëm që shënon pjesëmarrjen e parë të Shqipërisë në këtë event të rëndësishëm ndërkombëtar dhe përfaqëson një arritje të madhe për industrinë tonë të mbrojtjes", - shprehet z. Peleshi.

Automjeti është i pajisur me një teknologji të avancuar dhe mund të përdoret në një gamë të gjerë operacionesh ushtarake dhe civile, përfshirë transportin e trupave, operacionet e shpëtimit dhe misionet e sigurisë. Qëllimi i krijimit të kësaj makine është fuqizimi i industrisë ushtarake shqiptare dhe jo vetëm.

Në panairin Eurosatory në Paris marrin pjesë delegacione nga shtete të ndryshme si dhe përfaqësues nga SHBA dhe NATO dhe do të zgjasë nga data 17 deri më 21 qershor.

Public link

Please use the above public link if you want to share this noodl on another website.