Ministri Vengu pret të dërguarin special të Britanisë për Ballkanin Perëndimor, Lord Stuart Peach: Shqipëria, më shumë investime në infrastrukturën mbështetëse të NATO

Ministri Vengu pret të dërguarin special të Britanisë për Ballkanin Perëndimor, Lord Stuart Peach: Shqipëria, më shumë investime në infrastrukturën mbështetëse të NATO

e enjte, 26 shtator 2024 08:41

Fotogaleria

Ministri i Mbrojtjes z. Pirro Vengu priti në një takim të veçantë të dërguarin special të Mbretërisë së Bashkuar në Ballkanin Perëndimor Lord Stuart Peach, i cili erdhi në Shqipëri, në kuadër të Stërvitjes së Përbashkët "Austere Wolf - 24".

Ministri Vengu dhe Lord Stuart Peach vlerësuan maksimalisht ndërveprimin mes trupave shqiptarë dhe britanikë në stërvitjen "Corridor VIII Response".

Gjatë bisedës me zyrtarin e lartë britanik ministri i Mbrojtjes z. Pirro Vengu diskutoi rreth situatës së sigurisë në rajon përfshirë edhe Veriun e Kosovës, për të cilën Shqipëria jo vetëm mirëpret vendimin e Aleancës për shtimin e trupave atje, por edhe ka rritur praninë e ushtarakëve shqiptarë në misionin e KFOR.

Sipas ministrit të Mbrojtjes: "... si vend anëtar i NATO, pozicioni i privilegjuar gjeografik i vendit tonë na angazhon për të investuar më tej në infrastrukturën mbështetëse për Aleancën". Ministri Vengu theksoi gjatë bisedës me zyrtarin e lartë britanik se: "Në Korridorin VIII po punohet intesivisht në disa lote, për të vijuar më tej me projektin madhor të portit në Porto Romano, një pjesë e të cilit do të jetë i dedikuar për përdorim ushtarak".

Po ashtu, ministri Vengu e njohu Lord Peach me hapat që Shqipëria ka ndërmarrë për rijetëzimin e Industrisë Ushtarake, duke ftuar për investim dhe bashkëpunim çdo agjenci apo kompani britanike.

Public link

Please use the above public link if you want to share this noodl on another website.