'Klòffen pet de minderhaitn”, untersuach ver za hom nochrichtn as de lait as klòffen zimbrisch, ladinisch ont bersntolerisch

Bail der trèff regiart va de jornalist va de Rai Ladinia Margherita Detomas, hom klòfft, Vittorio dell'Aquila, an sprochauskennetmentsch va de Stòttuniversitet va Milano, Patrizia Cordin, learer va Sproch ka de Universitet va Trea't, Fernando Ramallo, learer va Sproch va de galizianische Universitet va Vigo (Spagna) ont Sabrina Rasom viareren van Ladiner Kulturinstitut "Majon di Fascegn".

Derno, ist kemmen vourstellt s puach "Le isole linguistiche germaniche fioriscono" as de gamoa'schòftn van Alpn va de sait van Balschlònt as klòffen taitscha sprochen minder kennt, gamòcht van Komitat unitario van hystorischn taitschn inseln en Balschlònt vourstellt va de Anna Maria Trenti Kaufman - President van Komitat unitario van hystorischn taitschn inseln en Balschlònt.

Der trèff ist envire gòngen en de Wolf Sol pet de vourstell van puach "Popoli senza Fro 2. Tradizioni e territori delle minoranze linguistiche storiche del Trentino. Cimbri, Ladini e Mòcheni", gamòcht pet de zòmmòrbet van Zentral Institut ver de immaterial pahalter van kulturminsterum (Edizin Effigi) ont pet de innabaich va de austellung gamòcht en glaiche sol, "La contemporaneità della tradizione. Sguardi sulle comunità cimbra, ladina e mòchena".

S bart moglech sai' bider sechen der trèff as hòt se gahòltn en Belli Sol ont as s ist kemmen dirèck schaung galòck as Youtube va de Autonome Provinz va Trea't, asn doi link:

Dinstletratt ont pilder notschauk van Druckomt

Download ont pilder do: https://tinyurl.com/Dialoghi-Minoranze

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)