Tvíhliða samráð Íslands og Króatíu

Ísland og Króatía áttu tvíhliða samráð í Reykjavík í gær þegar Martin Eyjólfsson, ráðuneytisstjóri utanríkisráðuneytisins, fundaði með Andreja Metelko-Zgombić, ráðuneytisstjóra Evrópumála í utanríkisráðuneyti Króatíu.

Samskipti Íslands og Króatíu eru með ágætum og liggja leiðir landanna víða saman í alþjóðasamstarfi, m.a. sem bandalagsríki Atlantshafsbandalagsins og í Evrópusamvinnu.

Á fundinum var rætt um mögulegar leiðir til að efla samstarf ríkjanna enn frekar, m.a. á sviði jarðhitanýtingar. Þá var innrásarstríð Rússlands í Úkraínu og átökin fyrir botni Miðjarðarhafs meðal umræðuefna, sem og samskipti Íslands og Evrópusambandsins og EES-samstarfið.